About Us

Adam is steeds op koers. Daar is opwindende dinge aan die gebeur by ADAM. Die drie manne, Reynardt Hugo, Hugo Ludik en Kyle Grant het sommer groot planne om ADAM vanjaar tot verdere hoogtes te neem. Lees meer:

Kyle Grant
Singer

Van teater-optredes tot sepierolle en studio opnames... Kyle is veelsydig, opwindend en reg om sy plek in die Afrikaanse musiek bedryf opteneem.
Kyle het in n musikale gesin grootgeword. Hy het in die kerk begin sing en het daarna aan baie sangkompetiesies deelgeneem. 
Hy het sy professionele loopbaan by Barnyard Teaterproduksies begin. Kyle het vir ses jaar landswyd getoer met verskeie Barnyardproduksies.
In 2005 het Kyle die rol van 'Duncan' in eTV se jeugdrama, "Backstage" gespeel. In 2006 het hy saam met Nataniël in "The Moses Machine" by Emperor's Palace opgetree. In 2007 het Kyle die rol van Link Larkin in Richard Loring se produksie van "Hairspray" gespeel en het in 2008 as deel van Pieter Toerien se produksie van "Chess - The Musical" landswyd getoer. 
In 2009 en 2010 het Kyle die rol van Schalk in "Egoli" gespeel en was daarna as een van die Top 3 "Soapie Hunks" in die TV Plus kompetisie gekies. Later in 2010 het hy die rol van Ryan Evans tydens die buitelandse toer van Disney se "High School Musical" vertolk.
Kyle het in 2011 saam met Laurika Rauch met die musiek blyspel, "Stuur Groete Aan Mannetjies Roux" die land vol getoer. Hy het die romantiese hoofrol van Anton daarin vertolk. Hy het ook in 2011 die rol van Michelangelo in die Britse BBC-reeks "Leonardo" gespeel.
In 2012 het Kyle die wêreld plat getoer in die rol van Billy Kostecki (hoofsanger) in "Dirty Dancing - The Musical" en het daarna die rol van Artie Green in die eerste Suid Afrikaanse produksie van "Sunset Boulevard" in 2013 gespeel.
En nou is Kyle heelgelukkig om die amptelike nuutste lid van ADAM te wees!

Reynhardt Hugo
Writer & Singer

Reynardt het in 2005, as 18 jarige, sy studies in BA Drama by die Universiteit van Pretoria begin. Dit is hier waar hy die fynere kuns van teater en musiekteater begin leer het, asook 'n passie ontwikkel het vir die uitvoerende kunste. Onderleiding van die bekende Maurie Mostert, het Reynardt se talent as sanger sterk na vore gekom, en hy het onder andere die hoofrol losgeslaan in die bekende musiekblyspel, "Smokey Joe’s Café". Tydens sy studies het Reynardt ook rolle losgeslaan in bekende teaterstukke insluitend "Anna Frank", "Pantagleize", "Boesman My Seun", en ook "Alice In Wonderland". Nadat hy sy graad aan die einde van 2007 gekry het, het Reynardt bewys hy het verskillende aspekte van teater soos regie, tegnies, sang, stemwerk, radiowerk en beweging, om maar net 'n paar te noem, baasgeraak. Aan die einde van 2007 het Reynardt sy eerste televisierol in die Amerikaanse reeks, "Life is Wild", losgeslaan. Gevolglik het hy rolle in twee internasionale televisieadverstensies gekry. In 2008 was Reynardt op eie bodem te sien in die musiekblyspel, "Houtkruis". Kort daarna het hy sy grootste deurbraak tot dusver gehad toe hy die rol losslaan van Dr. Tertius Jonker in die immergewilde Afrikaanse sepie, "Binnelanders". Reynardt vertolk steeds hierdie rol, en sy karakter is gewilder as ooit. Daarom is sy kalender vol besprekings vir werk as seremoniemeester en publieke verskynings by verskeie glansgeleenthede.

Hugo Ludik
Writer & Singer

Hugo, 27, se musiekloopbaan het begin terwyl hy besig was om as regsstudent aan die Universiteit van Stellenbosch te studeer. Teen die tyd het Hugo al vir meer as agt jaar kitaar gespeel, maar nog nooit in die publiek sy sangtalent ten toon gestel nie. In 2003 neem Hugo die eerste keer deel aan die universiteit se inter-koshuis serenadekompetisie, waar hy opgetree het saam met vyftien ander mans in 'n a cappellagroep. Gedurende hierdie tyd het Hugo ook begin om sy merk te maak op die Afrikaanse musiekfront deur saam met sy broer, sanger en akteur, Stefan Ludik, regoor die land te toer en op te tree tydens die Egoliroadshows. Hugo en Stefan het daarna vir vyf jaar saam opgetree by meeste feeste en ‘venues’ regoor die land. In 2008 het Hugo besluit om sy horisonne te verbreed en het hy saam met verskeie ander kunstenaars begin optree. Tydens die interaksie met ander kunstenaars het Hugo besef daar’s 'n tekort aan oorspronklike liedjies in die land, en gevolglik het hy begin om self liedjies te skryf. In Oktober 2008 het Hugo Huisgenoot se Tempo se eerste liedjieskrywerskompetisie gewen met die liedjie, Papsopwinterwaternat, wat geskryf is deur Hugo en sy vriend Willie van der Merwe, en wat later deur Kurt Darren opgeneem is. In 2009 het Hugo 'n rol losgeslaan in die Performer Teater produksie, "Dance Some More", wat vir ses maande 'n speeltyd het en wat gevolglik as die suksesvolste teaterproduksie nog beskou word. Verskeie teaterproduksies het daarna gevolg. Hugo het al saam met verskeie kunstenaars soos Willem Botha, Kurt Darren, Jaco Labuschagne, Matt Stern, Christiaan Kritzinger, Stefan Ludik en Ghapi opgetree. Liedjies uit sy pen is ingesluit op verskeie kunstenaars soos, Kurt Darren, Willem Botha, Pieter Koen, Lee Scott, Mwah, Pieter Naudé, Sharoney, Kerry Lee, Gerhard Steyn en ADAM se albums.